CARM. I CARM. II CARM. III CARM. IV CARM. SAEC. EP. SERM. I SERM. II EPIST. I EPIST. II A. P.

carmina i xxvi


commentariivarialectioprosodia

Musis amicus tristitiam et metus

tradam protervis in mare Creticum

portare ventis, quis sub Arcto

rex gelidae metuatur orae,

 

5 quid Tiridaten terreat, unice

securus. o quae fontibus integris

gaudes, apricos necte flores,

necte meo Lamiae coronam,

 

Piplea dulcis. nil sine te mei

10 prosunt honores: hunc fidibus novis,

hunc Lesbio sacrare plectro

teque tuasque decet sorores.

 

.


   HORATIUS.RU
©  . ., 20082016