CARM. I CARM. II CARM. III CARM. IV CARM. SAEC. EP. SERM. I SERM. II EPIST. I EPIST. II A. P.

carmina i xxxiv


commentariivarialectioprosodia

Parcus deorum cultor et infrequens,

insanientis dum sapientiae

consultus erro, nunc retrorsum

vela dare atque iterare cursus

 

5 cogor relictos. namque Diespiter

igni corusco nubila dividens

plerumque, per purum tonantis

egit equos volucremque currum,

 

quo bruta tellus et vaga flumina,

10 quo Styx et invisi horrida Taenari

sedes Atlanteusque finis

concutitur. valet ima summis

 

mutare et insignem attenuat deus

obscura promens: hinc apicem rapax

15 Fortuna cum stridore acuto

sustulit, hic posuisse gaudet.

 

.


   HORATIUS.RU
©  . ., 20082016