ÊÂÈÍÒ ÃÎÐÀÖÈÉ ÔËÀÊÊ • ÏÅÐÅÂÎÄÛ È ÌÀÒÅÐÈÀËÛ
CARM. ICARM. IICARM. IIICARM. IVCARM. SAEC.EP.SERM. ISERM. IIEPIST. IEPIST. IIA. P.

carmina iii xv


òåêñò • ïåðåâîäûcommentariivarialectioprosodia

Uxor pauperis Ibyci,

tandem nequitiae fige modum tuae

famosisque laboribus;

maturo propior desine funeri

5 inter ludere virgines

et stellis nebulam spargere candidis.

non, siquid Pholoen satis,

et te, Chlori, decet: filia rectius

expugnat iuvenum domos,

10 pulso Thyias uti concita tympano.

illam cogit amor Nothi

lascivae similem ludere capreae:

te lanae prope nobilem

tonsae Luceriam, non citharae decent

15 nec flos purpureus rosae

nec poti vetulam faece tenus cadi.

Íà ñàéòå èñïîëüçóåòñÿ ãðå÷åñêèé øðèôò.


ÌÀÒÅÐÈÀËÛ • ÀÂÒÎÐÛ • HORATIUS.RU
© Ñåâåð Ã. Ì., 20082016