CARM. I CARM. II CARM. III CARM. IV CARM. SAEC. EP. SERM. I SERM. II EPIST. I EPIST. II A. P.

carmina iii xx


commentariivarialectioprosodia

Non vides, quanto moveas periclo,

Pyrrhe, Gaetulae catulos leaenae?

dura post paulo fugies inaudax

proelia raptor,

 

5 cum per obstantis iuvenum catervas

ibit insignem repetens Nearchum,

grande certamen, tibi praeda cedat,

maior an illa.

 

interim, dum tu celeris sagittas

10 promis, haec dentis acuit timendos,

arbiter pugnae posuisse nudo

sub pede palmam

 

fertur et leni recreare vento

sparsum odoratis umerum capillis,

15 qualis aut Nireus fuit aut aquosa

raptus ab Ida.

 

.


   HORATIUS.RU
©  . ., 20082016