ÊÂÈÍÒ ÃÎÐÀÖÈÉ ÔËÀÊÊ • ÏÅÐÅÂÎÄÛ È ÌÀÒÅÐÈÀËÛ
CARM. ICARM. IICARM. IIICARM. IVCARM. SAEC.EP.SERM. ISERM. IIEPIST. IEPIST. IIA. P.

epodi iv


òåêñò • ïåðåâîäûcommentariivarialectioprosodia

Lupis et agnis quanta sortito obtigit,

tecum mihi discordia est.

Hibericis peruste funibus latus,

et crura dura compede –

5 licet superbus ambules pecunia,

fortuna non mutat genus.

videsne, Sacram metiente te Viam

cum bis trium ulnarum toga,

ut ora vertat huc et huc euntium

10 liberrima indignatio?

“sectus flagellis hic triumviralibus,

praeconis ad fastidium,

arat Falerni mille fundi iugera,

et Appiam mannis terit,

15 sedilibusque magnus in primis eques

Othone contempto sedet.

quid attinet tot ora navium gravi

rostrata duci pondere

contra latrones atque servilem manum –

20 hoc, hoc tribuno militum?”

Íà ñàéòå èñïîëüçóåòñÿ ãðå÷åñêèé øðèôò.


ÌÀÒÅÐÈÀËÛ • ÀÂÒÎÐÛ • HORATIUS.RU
© Ñåâåð Ã. Ì., 20082016